Þróun undirfata í Bandaríkjunum

Mig dreymdi að maður væri að skera upp annan mann á framtíðarhóteli/fyrirtæki í seinustu viku en fyrir utan það hef ég ekki fengið neinar martraðir. Ég segi þetta vegna þess að martraðir og svefntruflanir eru aukaverkanir malaríupillanna sem við fengum lyfseðil fyrir. Við ákváðum að prófa þessar pillar en hægt var að fá annað lyf, sem væri með nánast engar aukaverkanir, en það er þrefalt dýrari. Þetta á að vera "budget" ferð (sama hvað aðrar bloggsíður halda fram) og því förum við ekki að taka einhver 25 þúsund kr. lyf (þegar búnir að borga slatta fyrir sprauturnar).

Annars var ég að setja inn ferðaáætlunina okkar þannig að fólk getur fylgst nokkurn veginn með hvar við erum staddir í heiminum. Við erum svo búnir að bóka 4 stjörnu hótel í Brasilíu en það verður bara fyrstu tvo dagana (áður en við finnum eitthvað Hostel). Að auki kostar nóttin kr. 2400. Við munum að öllum líkindum fá gistingu í LA og spurði konan sem mun hýsa okkur hvort við vildum skoða Frederick´s Hollywood Lingerie Musueum sem mér fannst nokkuð forvitnilegt. Læt ykkur hvernig það fer.

Það nálgast..

Þann 13. september (sem er ekki föstudagur, ég tékkaði á því) munum við Sigþór Steinn Ólafsson, Þorgils Helgason og Tómas Gunnar Thorsteinsson leggjast í ferðalag stærsta ferðalag lífs okkar til þessa. Svona ferðalag er ekki talið ekta nema að hafa blogg þannig að sjálfsögðu búum við til eitt stykki. Við munum líka reyna að taka myndir en það verður eflaust vesen að setja þær inn á meðan við verðum úti.

Flugákvörðunarstaðir eru allavega: London - Rio De Jainero - Buenos Aires - Los Angeles - Hong Kong - Bangkok (millilendingar ekki teknar með) en að sjálfsögðu munum við heimsækja fleiri lönd en þetta. Áætluð flugferð heim er dagsett 1. desember 2007. Stay tuned..